Les mots surlignés font l'objet d'une note
1Monseignieur, le daysir que jay et que ie aurey toute
2ma vye de vous obeyr et fère service très humble me
3commande, je ne ferè chose sans voulx en advertir et
4resevoyr vous conmandementz au quelz veux obeyr toute
5ma vye. Mon lieutenant le cappitaine Colombin qui estoyt
6demeuré à Luserne pour adviser les moyens quil
7pourroyt advoir de retirer les armes qui estoyent dans
8Carmagnolle en bon nombre et ces aydes ; quant au
9prestz faictz au soldart, il sen sont dispencé et le luy
10ont empourter entièrement et pansant avoir repondu
11à monsieur des Adrés pour le moingz de cela, il sa-
12vansa de Carmagnolle, lequel tant sans fault
13de luy an ayder que luy mesmes sent nest saysy ;
14et voyant sela, il cest retirer auprès de moy
15sur avecques ung sien servyteur out nous sommes a-
16tendans vous conmandementz, auquelz voulons obeyr
17entièrement. Pourtant, monseignieur, je vous ay
18vouleu escripre ce petit mot pour prevenir à toutes
19calonnies et vous supplient croyre que vous
20navés honmes en ce monde quy de meilleur cueur
21vous obeysse que nous ; que sera landroyt où je
22voulx presenterey mes très humble recommandations à vous
23bonne grasses, comme font le cappitaine Colombin
24et monsieur de Gollas, jantilhonme mien voysin,
25priant Dieu
26Monsegnieur quy voulz doint en bonne santé très longue
27et heureuse vye. De Chesvriere, votre maison, ce
28XXIXe sep[tem]bre 1572.
29Votre très humble et hobeissant
30serviteur
31Deportes
32